[170214] 「商品大王」羅傑斯:好多人將破產

「商品大王」羅傑斯:好多人將破產

淡友繼續乘勝追擊。經常唱淡美元嘅億萬富翁兼「商品大王」羅傑斯(Jim Rogers),最近接受MacroVoices採訪時,再次開口唱淡⋯

熟識羅傑斯嘅都知道,佢並非盲目唱淡之輩,09年當全世界都對美元走勢悲觀嘅時候,作為「美元大淡友」嘅佢,竟然掉轉槍頭入貨,當時佢話:

「美元下跌,所有人都對美元悲觀,包括我。但經驗告訴我,當所有人對某項資產,無論股票、債券非常悲觀時,就會出現一些反彈。」

今次羅傑斯卻認為:

「我哋即將經歷一​​場一生人都未見過嘅經濟災難,好多人將會傾家蕩產,大家應該未雨綢謬。」

(圖片:羅傑斯提到2008年,150年歷史嘅雷曼兄弟破產了,但未來係空前危機。)

點解會有災難呢?一係特朗普,二係強美元。

佢認為,特朗普一定會打貿易戰,事實上政府高層中至少已有三位官員支持;一打貿易戰,根據歷史經驗將帶來好多問題,包括引發戰爭,此外,美元指數會持續走高,甚至會升到去美元泡沫爆破嘅地步:

「因為人們終將意識到強勢美元將引發全球經濟問題,而現在強勢美元正在損害美國經濟。」

今年1月,羅傑斯接受marketwatch採訪時話,美元於今明兩年都將會保持升勢,建議投資者增持美元,揚言自己會盡沽股票。

羅傑斯相當憂慮,並提醒大家,之前大家見到牛市,好消息接住好消息,令大家覺得牛市可以好耐,但其實進入熊市時你就會知道,壞消息都係會好似滾雪球咁接踵而來。

似乎羅傑斯係希望,投資者可以睇通呢一點,唔好畀現象局限,沉醉於「牛市」之中。

(訪問原聲)

Comments