2012年 12月17日 金融High Tea——重口味 2012-12-17
  聯 儲局在9月時推出QE3（第三輪量化寬鬆），每月買入400億美元按揭扺押債券。當時聯儲局另一個買債計劃「扭曲操作」仍未完成（即沽出短債、買入長債， 以壓低長債利息），扭曲操作要到今年年底才完結，所以聯儲局9月推出QE3不提買國債只提買按揭債券，市場當時已估計聯儲局有後着。到上周聯儲局開會後， 果然宣佈推出新版QE，在每月購買400億美元按揭債券的基礎上，每月另外增加購買450億美元國債，替代即將結束的「扭曲操作」。 QE唔掂又再加力 大 2010年11月，聯儲局推QE2，為期8個月，總量6000億美元，每 月買債750億美元。當我們在今年9月時見到QE3，雖然呢個計劃並無期限，但每月買按揭債只是400億美元，尚覺規模較細，但如今再加埋買國債每月 450億美元，即每月買債850億美元，每月買債量大過QE2，咁搞只是計未來2013年一年，聯儲局將會買債1.02萬億，規模肯定大過QE2的 6000億美元好多，用一年幾亦可追過QE1的1.75萬億總量規模，所以QE3咁走落去，印銀紙數量相當驚人。若將印錢QE比作吸毒，從QE1、 QE2、到扭曲操作，本來一路減緊量，戒緊毒，點知最後唔掂，又要從新吸毒。 那麼聯儲局的低息政策及大量QE到何時會停 呢？過去聯儲局定出日子，話估計低息政策會維持到2014年底。但如今隱去時間，改為定出指標，話寬鬆政策會維持直至美國失業率低於6.5%，或者通脹率 預期高於2.5%為止，這是聯儲局首次明確將貨幣政策與失業率數字掛鈎，伯南克明顯將焦點放在推低失業率，過去聯儲局要維持不包括燃料和食品的核心通脹率 維持在2%，今次將通脹預期由2%升到2.5%，即係話一日失業率未達，聯儲局可以忍受高啲通脹，都要維持寬鬆政策直至失業率顯著改善為止。美國投資界對 聯儲局的政策，有樂觀與悲觀的兩種估計，樂觀派如高盛上星期講過，雖然好多投資者借大量低息資金投資，但佢地擔心美國經濟比預期好得快，加息期比想像中快 到來。悲觀派如債王格羅斯，佢話聯儲局一直QE都不能救起經濟，到QE7、QE8都唔會掂，佢根本認為美國落錯藥，不是要用貨幣政策去刺激，而是要以財政 政策去刺激，要把錢投到會直接產生就業的地方。 巨大泡沫吹個不停 雖然聯儲局取消低息到 2014年的字眼後，市場覺家定出具體的失業率指標，低息期會比想像中快完結（類似高盛的看法），所以聯儲局雖然擴大QE大買國債，但債價不跌反升，因而 令債息上升。但我較傾向悲觀的看法，認為要美國失業率跌到6.5%以下，殊不容易，美國印錢期會比想像中長。這個國家出現奇怪的現象，從國家都人民，都大 量地先使未來錢，債務缺口極大，竟然自己印錢來填，自己印銀紙買自己國債，而家有90%美債係美國自己印錢出來買番，未來透過QE1發鈔規模1年1萬億美 元，貨幣大量增加，誇張到極。 美國而家實體經濟在通縮中，靠印鈔頂住，除非變成高通脹，或停滯膨脹，否則這個印鈔過程不 會停止。美國是全球資金供應之源，咁印法唔知點算，佢咁搞係推低自己匯價，增加自己競爭力，削弱他國競爭力，好似日本呢啲藥水經濟，匯價83日圓咁高自然 頂唔順，日本新政府上台後大會逼住又大搞量化寬鬆，你印我又印。 全球大國齊齊印錢，你叫我估會點，我真係唔識估，因為所 有嘢都係史無前例。正路咁估，錢多資產少，會吹出一個又一個的資產泡沫，而家債券已經係大泡沫，唔止國債，美國仲有好多公司垃圾債大量咁發行緊。另外非歐 美日國家的樓市又係大泡沫，香港係其中一個。記住泡沫在爆破前，會愈吹愈大，直至刺針刺破它，而最可能的刺針係唔知乜原因開始加息。見到美國咁印錢，我相 信各種；市場的泡沫最後都會好得人驚。 看好習總睇好內銀 偏偏中國的股市無乜泡沫，仲相當低迷，主要拜過去兩年中國為壓抑通脹所施行的緊縮政策所致。內地股市近期稍有改善，上證綜指上周五更急升89點或4.32%至2150點，領漲的主要是銀行及保險股等重磅股，如中國平安（2318）  A股升8%，工行（1398）的A股升3.8%。港股上周五相對地升得少，只升160點，升幅0.7%。中 央經濟工作會議上周六起在北京召開，料會後有刺激經濟的措施公佈，所以A股搶先升了。我認為關鍵不是短期升跌，而係習總上場後，開始露出頭角，便顯示出領 袖魅力，無論係高調去深圳訪問顯示對改革的決心、務實的做事風格，都和上任領導大有不同，令人對未來的中國經濟有信心。 我和一個銀行家食飯傾開，佢認為未來中國仍是高增長地區，雖然經濟轉型的難度不低，但若對習總有信心，中國定可再上層樓。可能銀行家特別關心銀行股，佢話除非你認為中國死得，否則內銀股價錢真係好抵，好似建行（939） 市盈率7.5倍，息率4.6厘，工行（1398）市盈率7.4倍，息率4.6厘，十分便宜。有朋友問點解市道好咗，領匯（823） 這些優質房託反而從高位回落？我認為歐美日經濟衰退潮中，特別是美國大印銀紙去對抗，令資金出現一潮潮的避險投資或風險投資的波浪。在避險時，在股市的資金就跑去避險股中，派高息的房託、有好多現金的中移動（941）、甚至恒安（0144）（覺得個市幾差都要用衞生巾啩）都表現得特別省鏡。但如今市場又走向風險投資，變成重口味，那些避險股表現，就不如風險股，內房股、內銀股、甚至內險股，都會受追捧。我都好似債王格羅斯一樣，唔係幾信美國可以用QE救起經濟，但短期而言，見佢加大QE，就要順住個市買一轉，特別係見到阿爺經濟轉勢轉強，就更加要湊湊興啦，但過完中央經濟工作會議個市再升之後，近年底可能會回一回，等佢回落時買就更抵啦。 陸羽仁 |
量寬QE之後的量緊QT > 2012 >